Mga alas-otso po ng gabi iyon nangyari. Naghahanap po ako ng gift wrapper at kahon sa Carriedo. May buhat po akong malaking plastic bag ng National Bookstore, samantalang puno naman po ng mga pinamili ang backpack ko. Hindi ko po napapansin ang mga tao. Naka-earphones po kasi ako at naka-full volume ang MP3 player. Nakikinig po kasi ako ng Trance music. Mabilis po ang mga pangyayari. Biglang na lang pong nawala yung sounds malapit kung saan naroon yung stall na ang tinda ay mga boxer shorts. Tapos pagtingin ko sa baba, yung earphone jack nasa labas ng bulsa ko. Mahirap man tanggapin pero doon pa lang, alam ko pong wala na ang iPod Nano ko.